Malem rebo aku diundang melu rapat karo wong tuwa-tuwa sing wis pada sukses nang Jogja. Rencanane pan ana acara gedhe-gedhenan nang Jogja sing nglibatna wong-wong Tegal segala lapis mulai sing ngabdi negeri, pensiunan, dodolan warung, martabak, kuliah, nyantri, sampe sing iseh sekolah. Acarane engko bar bada, persise tanggal 4 oktober 2009 nang benteng Vrederburg. Aku dikon ngordinasi kanca-kanca mahasiswa mulai sing nang UGM, UII, UIN, UPN, d.l.l. Pas acara kiye, kang Traju sing tukang otak atik blog kiye juga melu, mbuh daning tak enteni laporane kaa..

Kemis sore aku melu buka bersama karo cah-cah KAMASITTA, nang ngarep gedung fakultas soshum UIN Sukijo. Sing teka lumayan, wong rong puluh, pas karo pesen segane, ora kurang ora luwih. Nah, pas dina kuwe juga aku wis bisa ngontak bose komunitas yang luwih gedhe, arane Opang, ketuane HIPOTESA. jumat sore mau aku diundang melu buber.

Jumat sore persise jam lima luwih secuil aku wis nyampe sekitar jalan kaliurang sekitar UGM. ra perlu angel golek kanca, aku ngerasa seneng banget sebab weruh ana runtang-runtung cah enom-enom nganggo motor segala merek tapi nduwe nduwe kesamaan yaiku plat nomere, mestine plat tercinta, PLAT G. Nah, aku tinggal melu ngintil bae lah, walaupun aku dhewek nganggo motore ora plat G. ra sah susah-susah nggoleti dhewek panggonane acara buka bersama.

Jebule, acarane neng rumah makan gedhe, muat wong satus luwih lah ndean. Sing nggawe aku seneng maning, jebule sing melu acara buka bersama nang kono ana wong satus lah ndean, angka sing adoh daripada dina kemis wingi. Wah, keren..! Sayange, kayongen laka sing kenal aku, padahal kan aku selebritis tegal, alias seorang lelaki bringas dilematis, katone sangar padahal pringas-pringis.

Weh, aku dingahi waktu nggo ngomong..

Baiklah, (setelah melewati pendahuluan dan seterusnya, akhirnya…) DIharapkan nanti pada acara syawalan 4 oktober 2009 di Benteng Vrederburg nanti teman-teman mahasiswa bisa ikut berpartisipasi mendukung acara tersebut, baik ikut terlibat dalam kepanitian, mengisi acara, ataupun sekedar ngelongok ngitung pira sing teka.. Terima kasih.. I love U Full..

Ayo runtang runtung Plat G !!

Nang Jogja ana pirang-pirang komunitas, misale ana hipotesa, kamasitta, solmate, foster, IKL, de el el.. sing pengin maring Jogja aja kawatir mbokan pan ngejak tawuran ya kancane akeh… ahahaaa, aja ding..

Suwun, mbokan ana sing ra pantes mohon diper-sori, ra sah disensor, kiye bagian dari ekspresi ehh..